ചിങ്ങപ്പിറവിയില്‍ കര്‍ഷകനെ ആദരിച്ചു
ഓണപ്പാട്ടിന്റെയും കൊയ്‌ത്തുപാട്ടിന്റെയും അകമ്പടിയോടെ നെടുവേലി സ്‌കൂളില്‍ കര്‍ഷകനെ ആദരിച്ചു.ഗ്രാമത്തിലെ മുതിര്‍ന്ന കര്‍ഷകന്‍ വാസുദേവന്‍പിളളയെ ഹെഡ്‌മിസ്‌ട്രസ്സ്‌ പൊന്നാട അണിയിച്ച്‌ ആദരിച്ചു.പഴയകാല കാര്‍ഷിക സംസ്‌ക്കാരത്തെക്കുറിച്ച്‌ അദ്ദേഹം സംസാരിച്ചു.നെല്‍വിത്തുകള്‍,കൃഷിരീതി,കൃഷി ഉപകരണങ്ങള്‍,നിലമൊരുക്കല്‍,ജൈവകൃഷി എന്നിങ്ങനെ കേരളത്തിന്റെ തനത്‌കൃഷിരീതിയെക്കുറിച്ചുള്ള വിവരണം കുട്ടികള്‍ക്ക്‌ കൗതുകകരമായി.പ്രിന്‍സിപ്പാള്‍ എസ്‌.ജയശ്രീ ചടങ്ങ്‌ ഉദ്‌ഘാടനം ചെയ്‌തു.പരിസ്ഥിതി ക്ലബ്ബ്‌ ഗ്രീന്‍സിന്റെയും സാഹിത്യസമാജത്തിന്റെയും ആഭിമുഖ്യത്തിലാണ്‌ പരിപാടി സംഘടിപ്പിച്ചത്‌.ഗ്രീന്‍സ്‌ കണ്‍വീനര്‍ ഒ.ബിന്ദു,സാഹിത്യസമാജം കണ്‍വീനര്‍ എം.വി ബിനു എന്നിവര്‍ സംസാരിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ