കെ.അനില്‍കുമാര്‍
റെയ്ഞ്ചര്‍
-ഐ.റ്റി.ബി.പി
തിരുവനന്തപുരം
ജില്ലയില്‍ വേറ്റിനാട്,മുച്ചന്നൂര്‍
പള്ളി വിളാകത്തു വീട്ടില്‍
കെ.കരുണാകരന്‍
നായരുടെയും ജെ.ശാന്തകുമാരി
അമ്മയുടെയും മകനായി 1969
-ല്‍
ജനിച്ചു.
1981
-ലാണ്
നെടുവേലി ഗവ.ഹയര്‍സെക്കന്ററി
സ്കൂളില്‍ എട്ടാം ക്ലാസ്സ്
ബി ഡിവിഷനിലെ വിദ്യാര്‍ത്ഥിയായി
ചേരുന്നത്.
(അഡ്മിഷന്‍
നമ്പര്‍ -1258)
1984 -ലാണ്
എസ്.എസ്.എല്‍.സി
പരീക്ഷ എഴുതുന്നത്.
ഐ.ടി.ബി.പി
1988
-ലാണ്
(17.1.1988)
ഔദ്യാഗിക
ജീവിതം തുടങ്ങിയത്.സമര്‍ത്ഥനായ
അര്‍പ്പണ ബോധമുള്ള ഒരു സുരക്ഷാ
ഭടനായിരുന്നു അദ്ദേഹം.ഫയറിംങില്‍
മികച്ച വൈദഗ്ദ്ധ്യം
പ്രകടിപ്പിച്ചിരുന്നു.
അതിനാലാണ്
സര്‍വീസില്‍ പ്രവേശിച്ച്
രണ്ടു വര്‍ഷം കഴിഞ്ഞ്
ഡെപ്യൂട്ടേഷനില്‍ എന്‍.എസ്.ജി
യിലേക്ക് പ്രവേശനം
ലഭിക്കുന്നത്.എന്‍.എസ്.ജി
യുടെ പ്രവര്‍ത്തന മേഖലകളില്‍
പ്രധാനപ്പെട്ടത് വി.ഐ.പി
സംരക്ഷണമാണ്.
1990
ജൂലായ്
6 നാണ്
കെ.അനില്‍
കുമാര്‍ വീരമ്യുത്യു
പ്രാപിക്കുന്നത്.
പഞ്ചാബില്‍
ഓഫീസര്‍മാരോടും മന്ത്രിമാരോടുമൊപ്പമുള്ള
യാത്രയില്‍ തരണ്‍തരണ്‍
ഗ്രാമത്തില്‍ വച്ച് രാത്രി
1
മണിക്കാണ്
ഭീകരാക്രമണം ഉണ്ടായത്.നാല്
ഭീകരരെ വീര ജവാനായ കെ.അനില്‍
കുമാര്‍ വധിച്ചു.ഇതിനിടയില്‍
അദ്ദേഹത്തിന് കാലില്‍
വെടിയേറ്റിരുന്നു.അത്
അവഗണിച്ച് മറ്റുള്ളവര്‍ക്ക്
സുരക്ഷ ഒരുക്കുന്നതിനിടയില്‍
വെടിയേറ്റു വീണ മറ്റൊരു
ഭീകരന്റെ വെടിയേറ്റാണ് അദ്ദേഹം
വീരചരമം പ്രാപിക്കുന്നത്.
ജോലിയില്‍
പ്രവേശിച്ച് 2
വര്‍ഷവും
6 മാസവും
കഴിഞ്ഞപ്പോഴാണ് അദ്ദേഹം
രാഷ്ട്രത്തിന് വേണ്ടി ജീവന്‍
ബലിയര്‍പ്പിച്ചത്.
ഹരിയാനയിലെ
എന്‍.എസ്.ജി
ക്യാമ്പിലെ സ്വിമ്മിംങ്
പൂളിലേക്കുള്ള പ്രധാന റോഡ്
കെ.അനില്‍കുമാറിന്റെ
പേരിലാണ് അറിയപ്പെടുന്നത്.
- 'കെ.അനില്‍കുമാര്‍
മാര്‍ഗ്ഗ് '
നെടുവേലി
ഗവ.ഹയര്‍സെക്കന്ററി
സ്കൂളിന്റെ പൂര്‍വ്വവിദ്യാര്‍ത്ഥിയായ
ഒരു പുത്രന്‍ ഇന്ത്യാ
മഹാരാജ്യത്തിന്റെ വീരപുത്രനായി
ആദരിക്കപ്പെടുമ്പോള്‍,ത്യാഗോജ്ജ്വലമായ
ആ ധീര സ്മരണകള്‍ ഓരോ
വിദ്യാര്‍ത്ഥിക്കും ഒടുങ്ങാത്ത
ദേശസ്നേഹത്തിന്റെ കരുത്താണ്
പകരുന്നത്.
വീര
ജവാന്‍ കെ.അനില്‍കുമാറിന്റെ
വിദ്യാലയം -നെടുവേലി
ഗവ.ഹയര്‍സെക്കന്ററി
സ്കൂള്‍ -
അദ്ദേഹത്തിന്റെ
സ്മരണകള്‍ക്കു മുമ്പില്‍
ആദരവോടെ ശിരസ്സു നമിക്കുന്നു.
2016 ഒക്ടോബര്‍ 21 ന് നെടുവേലി സ്കൂളില്‍ നടന്ന അനുസ്മരണ പരിപാടി
.
