തെന്മലയിലേക്കൊരു യാത്ര
തലേന്നു രാത്രി വരെ തുടരെ പെയ്ത മഴ രാവിലെ പെട്ടെന്ന്നിന്നപ്പോള് ഞങ്ങള് അമ്പരക്കാതിരുന്നില്ല.നല്ലൊരന്തരീക്ഷംനല്കിയതിന് നന്ദി പറഞ്ഞുകൊണ്ട് എട്ടു മണിയോടെഞങ്ങള് പുറപ്പെട്ടു.നഗരദൃശ്യങ്ങളില് നിന്നകന്ന്ഗ്രാമപാതയിലൂടെ ഞങ്ങള് യാത്ര തുടര്ന്നു. കാടിന്റെപച്ചപ്പ് ഞങ്ങള് അറിഞ്ഞു തുടങ്ങി.ഏറെ വൈകിയില്ലഞങ്ങളെ കാത്ത് തോട്ടത്തില് ഒരു മയില്. കാടടുത്തിരിക്കുന്നു എന്ന സന്ദേശമാണ് മയില്നല്കിയത്,ഏറെ സന്തോഷം തോന്നി. ഭീമാകാരമായകുന്നുകളും കൂറ്റന് പാറക്കെട്ടുകളും കടന്ന് കല്ലട ഇറിഗേഷന് പ്രോജക്ട് എന്ന്എഴുതിയ വലിയ ഗേറ്റിനു മുന്നില്എത്തി. അവിടം കുരങ്ങന്മാരുടെ സാമ്രാജ്യമാണെന്നു തോന്നി.
പത്തു നൂറു പടികള് കേറി തളര്ന്ന് അവശരായി ഞങ്ങള് ഡാമിനു മുകളിലെത്തി.അതിശയക്കാഴ്ച. കനാലിലേക്ക് വെള്ളമൊഴുക്കുന്ന ഷട്ടറുകള്,പിന്നില് ഡാം റിസര്വോയര്.ജലപ്പരപ്പിലേക്ക് കുതിച്ചെത്തുന്ന വലിയ മീനുകള്. കാഴ്ചകള് ക്ഷീണമകറ്റി.വള്ളിപ്പടര്പ്പും മരങ്ങളും കൊണ്ട് ഒരു മായാജാലം,ചിത്രം പോലെ.
ലഘുഭക്ഷണത്തിനു ശേഷം ബട്ടര്ഫ്ളൈ സഫാരി പാര്ക്കിലെത്തി. നിറയെ സംശയങ്ങളുമായാണ് അവിടെ എത്തിയത്.ചിത്രശലഭങ്ങളെ എങ്ങനെയാണ് ഒരു പാര്ക്കില് സംരക്ഷിച്ചു നിര്ത്തുന്നത്.പക്ഷേ അതിനെല്ലാം ഉത്തരം കിട്ടി.ഒരു വര്ണ്ണക്കാഴ്ചയായിരുന്നു അത്. ചെടികള്ക്കു ചുറ്റും വട്ടമിട്ടുപറക്കുന്ന പൂമ്പാറ്റകള്. തൊട്ടു തലോടി മുത്തമിട്ടു പറക്കുന്നവ,നിറപ്പകിട്ടുള്ള കുപ്പായക്കാര്,ഇലകളില് തപസ്സിരിക്കുന്ന ലാര്വകള്.നീലക്കടുവ,ചിത്രകല്, ചിറകിന് 25 സെ.മീ നീളമുള്ള Alakanar bird wings. ഇങ്ങനെ എത്ര വിധം ചിത്രശലഭങ്ങള്.പിന്നട് മാന് പാര്ക്കില് എത്തി..ഉച്ചഭക്ഷണം കഴിഞ്ഞ് നേരെ പാര്ക്കിലെത്തി. കളികള്ക്കൊപ്പം മഴയും കൂട്ടിനെത്തി.പാര്ക്ക് ചുറ്റിക്കറങ്ങി ഞങ്ങള് ഏറു മാടത്തിലെത്തി.ഒരു പുതിയ അനുഭവം.മാനുകള് ഞങ്ങളെ കാത്ത് നില്ക്കുന്നതായി തോന്നി.അത്രയ്ക്കടുത്താണവ.
ഞങ്ങളെ ഏറെ ആകര്ഷിച്ചത് മരങ്ങളാണ്.പട്ടിപ്പുന്ന,തേരകം,കമ്പകം,ചാര് ഇങ്ങനെ എത്രയധികം നമ്മളറിയാത്ത മരങ്ങള്.ഒരു മരത്തിന്റെ വണ്ണവും പൊക്കവും ഞങ്ങളെ അതിശയിപ്പിച്ചു.എന്തു വലിയ മരം;അതിനു പുറകിലായി ഒരു പുഴ ഒഴുകുന്നുണ്ട്.വൈകുന്നേരത്തോടെ തിരികെ സ്കൂളിലേക്ക്.
പ്രകൃതിയെ തൊട്ടറിയാന് പരിസ്ഥിതി ക്ലബ്ബ് സംഘടിപ്പിച്ച പഠനയാത്രയായിരുന്നു ഇത്.തെന്മലയുടെ ജൈവവൈവിധ്യം ഞങ്ങള്ക്ക് മധുരാനുഭൂതിയായി.ഞങ്ങളുടെ ക്ലബ്ബ് കണ്വീനര് ബിന്ദു ടീച്ചറിന്റെയും അദ്ധ്യാപകരുടെയും നേതൃത്ത്വത്തിലുള്ള യാത്ര അവിസ്മരണീയ അനുഭവമായിരുന്നു.അതെ,ഞങ്ങളുടെ സ്കൂള് എന്നും നല്കുന്നത് പുതുമകളായിരുന്നു.
അര്ച്ചന.എസ്,
വിനയ.ആര്.വിജയന് - 9.ബി