2011, ജൂൺ 28, ചൊവ്വാഴ്ച

ആഴ്‌ചവട്ടം


പാട്ടിന്റെ പാലാഴിയില്‍ ആഴ്‌ചവട്ടം തുടങ്ങി
നെടുവേലി:നാടന്‍പാട്ടിന്റെയും അമ്മ മലയാളത്തിന്റെയും രാഗസാഗരം തീര്‍ത്താണ്‌ ഇക്കൊല്ലം സാഹിത്യസമാജത്തിന്റെ ആഴ്‌ചവട്ടം തുടങ്ങിയത്‌.കവിയും അദ്ധ്യാപകനുമായ തുളസീദാസായിരുന്നു ഭാഷയുടെ മാധുര്യം കുട്ടികളിലെത്തിച്ച്‌ ആഴ്‌ചവട്ടത്തിനു തുടക്കു കുറിച്ചത്‌.ഭാഷയെയും സാഹിത്യത്തെയും സ്‌നേഹിക്കുന്ന നെടുവേലിയിലെ കുട്ടികളുടെ ഉച്ചനേരങ്ങളിലെ ഒത്തുചേരല്‍ പ്രശംസനീയമാണെന്ന്‌ അദ്ദേഹം അഭിപ്രായപ്പെട്ടു.അക്ഷരങ്ങളെ ഇഷ്‌ടപ്പെടുന്ന കുട്ടികളുടെ ഓര്‍മ്മയില്‍ ആഴ്‌ചവട്ടത്തിന്റെ നാളുകള്‍ വാടാതെ നില്‍ക്കുമെന്ന്‌ ഹെഡ്‌മിസ്‌ട്രസ്സ്‌ പ്രഭ ടീച്ചര്‍ പറഞ്ഞു.ആഴ്‌ചവട്ടത്തിന്റെ സാഹിത്യമാസികയായ പക്ഷിക്കൂട്ടത്തിന്റെ വാര്‍ഷികപ്പതിപ്പ്‌ തുളസീദാസ്‌ പ്രകാശനം ചെയ്‌തു.ഹെഡ്‌മിസ്‌ട്രസ്സ്‌ ഏറ്റുവാങ്ങി.വായനാവാരാചരണത്തോടനുബന്ധിച്ച്‌ നടന്ന്‌ പ്രശ്‌നോത്തരി,ജലച്ചായം എന്നിവയില്‍വിജയികളായകുട്ടികള്‍ക്ക്‌ സമ്മാനം വിതരണം ചെയ്‌തു.സമാജം സെക്രട്ടറി ജിഷ്‌ണുജെ.ബി സ്വാഗതവും അരവിന്ദ്‌ നന്ദിയുംപറഞ്ഞു

2011, ജൂൺ 17, വെള്ളിയാഴ്‌ച

പരിസ്ഥിതി

പരിസ്ഥിതി ക്ലബ്ബ്‌ ദിനാഘോഷങ്ങള്‍

സ്‌കൂള്‍ പരിസ്ഥിതി ക്ലബ്ബ്‌ ഗ്രീന്‍സിന്റെ നേതൃത്ത്വത്തില്‍ പരിസ്‌ഥിതി ദിനാഘോഷങ്ങള്‍ ജൂണ്‍ നാലിന്‌ നടന്നു.സ്‌കൂള്‍ പരിസരത്ത്‌ വൃക്ഷത്തൈ നട്ടുകൊണ്ട്‌ ഹെഡ്‌മിസ്‌ട്രസ്സ്‌ പ്രസന്നകുമാരി ടീച്ചര്‍ ഉദ്‌ഘാടനം നിര്‍വഹിച്ചു.വൃക്ഷത്തൈകളുടെ വിതരണം വാര്‍ഡ്‌മെമ്പര്‍ ഗോപിപ്പിള്ള നിര്‍വഹിച്ചു.കുട്ടികള്‍ക്ക്‌ വിവിധയിനത്തിലുള്ള ഇരുന്നൂറ്‌ വൃക്ഷത്തൈകള്‍ നല്‍കി.സ്‌കൂള്‍ വളപ്പില്‍ വിപുലമായ രീതിയില്‍
നേന്ത്രവാഴക്കൃഷിക്കും തുടക്കം കുറിച്ചു.പരിസ്ഥിതി സംഘടനയായ ഗ്രീന്‍സ്‌ ഇന്ത്യയുടെ നേതൃത്ത്വത്തില്‍ ക്ലബ്ബ്‌ അംഗങ്ങള്‍ക്കായി 'പരിസ്ഥിതിയും വിദ്യാര്‍ത്ഥികളും' എന്ന വിഷയത്തില്‍ അജയ്‌.കെ.പിള്ള ക്ലാസ്സെടുത്തു.പ്രമുഖപരിസ്ഥിതി പ്രവര്‍ത്തകന്‍ അസിം പരിസ്ഥിതി പ്രശ്‌നോത്തരി നയിച്ചു.അഭിജിത്ത്‌ ഒന്നാം സ്ഥാനവും അശ്വന്‍കുമാര്‍ രണ്ടാം സ്ഥാനവും കരസ്ഥമാക്കി.പ്രവര്‍ത്തനങ്ങള്‍ക്ക്‌ കോര്‍ഡിനേറ്റര്‍ ബിന്ദു ടീച്ചര്‍ നേതൃത്ത്വം നല്‍കി.ജൂണ്‍ ആറിന്‌ തിരു:വി.ജെ.ടി ഹാളില്‍ നടന്ന
ലോകപരിസ്ഥിതി ദിന സമ്മേളനത്തില്‍ 9.സി യിലെ വിവേക്‌ എം.എല്‍ പങ്കെടുത്തു.

2011, ജൂൺ 14, ചൊവ്വാഴ്ച

നൂറുമേനി


തുടര്‍ച്ചയായി നാലാം വര്‍ഷവും നെടുവേലിക്ക്‌ നൂറുമേനി

എസ്‌.എസ്‌.എല്‍.സി പരീക്ഷയില്‍ തുടര്‍ച്ചയായി നാലാം തവണയും നെടുവേലി സ്‌കൂളിലെ മുഴുവന്‍ വിദ്യാര്‍ത്ഥികളും വിജയിച്ചു.അഞ്ച്‌ വിദ്യാര്‍ത്ഥികള്‍ ഒരു വിഷയത്തില്‍ സേ പരീക്ഷ പാസ്സായതോടെ ഈ വര്‍ഷവും സ്‌കൂള്‍ നൂറിന്റെ നിറവിലെത്തി.സാമ്പത്തികമായും സാമൂഹികമായും ഏറെ പിന്നോക്കമായ മേഖലയിലാണ്‌ സ്‌കൂള്‍ സ്ഥിതിചെയ്യുന്നത്‌.ജൂലൈ മാസം മുതല്‍ തുടങ്ങുന്ന പ്രത്യേക ക്ലാസ്സുകളും ഡിസംബര്‍ മാസം മുതല്‍ നടക്കുന്ന ഗ്രഡേഷന്‍ ക്ലാസ്സുകളും ഈ വിജയത്തിന്റെ അണിയറ പ്രവര്‍ത്തനങ്ങളാണ്‌.കൂട്ടായ പ്രവര്‍ത്തനവും കുട്ടികള്‍ക്ക്‌ നല്‍കുന്ന പ്രത്യേക പരിഗണനയും സ്‌കൂളിന്റെ തനത്‌ പഠനപ്രവര്‍ത്തനങ്ങളുടെ ഭാഗമാണ്‌.ഈ വിജയം സ്‌കൂളിന്‌ നല്‍കുന്ന ആത്‌മ വിശ്വാസം ചെറുതല്ല.സമൂഹത്തിന്റെ ഭിന്നതലങ്ങളെ കൂട്ടിയിണക്കുക എന്ന എളിയ പ്രവര്‍ത്തനത്തിന്റെ മനോഹരമായ പരിസമാപ്‌തിയാണിത്‌.2007-2008 100% , 2008-2009 100% , 2009-2010 100% , 2010 -2011 100%