യാത്രാമൊഴി

                   മീര ടീച്ചറിന് യാത്രാമൊഴി

 

 

 

നെടുവേലി സ്കൂളിന്റെ മീര ടീച്ചർ ഇന്ന് HM പ്രമോഷൻ ലഭിച്ച്

സ്കൂളിൽ നിന്ന് യാത്ര പറഞ്ഞിറങ്ങി.

ഇടുക്കി KAJANAPARA GHS

-ലെ പ്രഥമാദ്ധ്യാപികയായി സ്ഥാനക്കയറ്റം ലഭിക്കുമ്പോൾ നെടുവേലി സ്കൂളിന് അഭിമാന നിമിഷം . നീണ്ട 20 വർഷത്തെ പഠനാനുഭവങ്ങളും ശിഷ്യസമ്പത്തും ഗണിതത്തിലും ഐ.റ്റിയിലും പഠന മാതൃകകളും സൃഷ്ടിച്ചാണ് ടീച്ചർ യാത്ര പറയുന്നത്.പറഞ്ഞാൽ തീരാത്ത മികവുകൾ, രീതികൾ, ഒരുക്കിയും പഠിപ്പിച്ചുമാണ് മീര ടീച്ചർ നെടുവേലിയിൽ നിന്നിറങ്ങുന്നത്. അറിവ് പങ്കു വയ്ക്കൽ ടീച്ചറിന് കർത്തവ്യമായിരുന്നു . ഐ.ടി.യുമായി ബന്ധപ്പെട്ട മീറ്റിംഗുകളിൽ പങ്കെടുത്ത് വന്നാൽ അത് എല്ലാവർക്കും ഷെയർ ചെയ്യും.

ഓവറോൾ പെരുമഴകളുടെ സൃഷ്ടാവ്. ഹരിത വിദ്യാലയം റിയാലിറ്റി ഷോ, കട്ടിളപ്പാറ എക്കോ ക്യാമ്പ് , വിനോദ യാത്രകൾ, ഫീൽഡ് ട്രിപ്പുകൾ,

9 വർഷം ഐ റ്റി ഓവറോൾ ,

7 വർഷം ഗണിതം ഓവറോൾ , സമയ പരിധിയില്ലാത്ത പ്രവർത്തനം .....

അദ്ധ്യാപക ലോകത്തെ നിസ്വാർത്ഥതയുടെ അപൂർവ സാന്നിദ്ധ്യമായിരുന്ന മീര ടീച്ചർ നെടുവേലിയിൽ നിന്ന് പടിയിറങ്ങുമ്പോൾ അക്ഷര മരത്തിനു കീഴിലെ പിഞ്ചു മനസ്സുകളിലെ തേങ്ങലുകൾ, ടീച്ചറിനു സമർപ്പിക്കുന്ന അംഗീകാരങ്ങളാണ്. ഗണിതം മധുരമാണെന്ന് തെളിയിച്ച ഒരു അദ്ധ്യാപികയ്ക്ക് ലഭിക്കുന്ന അവാർഡുകളാണിത്.