ലഹരിക്കെതിരെ
നെടുവേലിയിലെ കുട്ടികള്‍
മയക്കു
മരുന്നിന്റെ വിഷജ്വാലയില്‍
കത്തിയമരുന്ന മനുഷ്യസമൂഹത്തെ
ഉണര്‍ത്താന്‍ 'ലഹരിക്കെതിരെ
പുതിയ വെളിച്ചം പുതിയ സമൂഹം'
എന്ന
സന്ദേശവുമായി നെടുവേലി
സര്‍ക്കാര്‍ വിദ്യാലയത്തിലെ
കുട്ടികള്‍ ജന മധ്യത്തിലെത്തി.കന്യാകുളങ്ങര
ഗവ.ആശുപത്രി
ജംഗ്ഷനില്‍ നിന്നും ആരംഭിച്ച
ലഹരി വിരുദ്ധ റാലി കന്യാകുളങ്ങര
ജംഗ്ഷന്‍,കുണ്ടയത്തു
നട,നെടുവേലി
കവല വഴി സ്കൂളിലെത്തി.മദ്യത്തിനും
മയക്കുമരുന്നിനുമെതിരെയുള്ള
സന്ദേശങ്ങളടങ്ങിയ പ്രദര്‍ശന
ഫലകങ്ങളുമായി ഇരുന്നൂറിലധികം
വിദ്യാര്‍ത്ഥികള്‍
പങ്കെടുത്തു.കന്യാകുളങ്ങര
ഗവ.ആശുപത്രിയിലെ
ചീഫ് ഫിസിഷ്യന്‍ ഡോ.നിര്‍മ്മല
റാലി ഫ്ലാഗ്ഓഫ് ചെയ്തു.സ്കൂള്‍ഹെല്‍ത്ത്
ക്ലബ്ബ് സംഘടിപ്പിച്ച റാലിയില്‍
കണ്‍വീനര്‍ റോബിന്‍സ്
രാജ്,ഹെഡ്മിസ്ട്രസ്സ്
എസ്.ഉഷാദേവി,എസ്.എം.സി
ചെയര്‍മാന്‍ നുജൂം,വാര്‍ഡ്
മെമ്പര്‍ ഗോപിപ്പിള്ള,
സീഡ്
കണ്‍വീനര്‍ ഒ.ബിന്ദു,അദ്ധ്യാപകര്‍,സ്കൂള്‍
ബാന്റ് സംഘം എന്നിവര്‍
പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ