ചരിത്രമുറങ്ങുന്ന മണ്ണിലൂടെ ഒരു പഠനയാത്ര
ഒക്ടോബര് 13,മഹാനവമി.ഞായറാഴ്ച.നെടുവേലി സ്കൂളിലെ ചരിത്രക്ലബ്ബ് ഒരു ചരിത്ര- സംസ്ക്കാര പഠന യാത്ര നടത്തി..തെക്കന് കേരളത്തിലെ ഗുഹാക്ഷേത്രമായ മഠവൂര്പ്പാറയില് ആദ്യമെത്തി.പ്രകൃതി മനോഹരമായ ഈ പ്രദേശം പൗരാണിക സംസ്കൃതിയുടെ ഈറ്റില്ലം.പാറയ്ക്കുമുകളിലെ പാര്ക്കും മുളകൊണ്ട് തീര്ത്ത കോവണികയറിയെത്തുമ്പോഴുള്ള പാറപ്പരപ്പിലെ പുല്ക്കുടിലും വിസ്മയമായി..ഒറ്റ നോട്ടത്തില് പ്രകൃതിയെ മനസ്സിലേക്കാവാഹിക്കുന്ന മായക്കാഴ്ച.അവിടെ നിന്ന് ചെമ്പന്തി ശ്രീനാരായണ ഗുരുകുലത്തിലെത്തി.നവോത്ഥാന നായകനായ ഗുരുവിന്റെ മുന്നൂറു വര്ഷം പഴക്കമുള്ള ജന്മഗൃഹം പൗരാണിക പ്രഭാവത്തോടെ നിലകൊള്ളുന്നു.
തോന്നയ്ക്കല് കുമാരനാശാന് സ്മാരകത്തില് വീണപൂവിലെ ഏതാനും വരികള് ചൊല്ലി കാവ്യാര്ച്ചന നടത്തി. കവിയുടെ പേരിലുള്ള മ്യൂസിയം ചുറ്റിനടന്നു കണ്ടു.കവിതയില് പൂവിട്ട ചെടികള് അവിടെയും കണ്ടു.
അഞ്ചൂതെങ്ങിലെ ബ്രീട്ടീഷ് കോട്ടസ്വാതന്ത്ര്യ ചരിത്രത്തിന്റെ ഉജ്ജ്വല സ്മാരകമാണ്.ആറ്റിങ്ങല് കലാപത്തിന്റെ വീരസ്മരണകള് തളം കെട്ടിനില്ക്കുന്ന കോട്ടയുടെ അകത്തളം.തിരയും കാറ്റും മത്സരിക്കുന്ന കടല്ക്കരയിലെ ചരിത്രസ്മാരകത്തിന് ഏകാകിയുടെ നൊമ്പരമുണ്ട്.
കുമാരനാശാന് പിറന്ന കായിക്കരയും കടലും നെടുങ്ങണ്ടയിലെ ചെമ്പകക്കുന്നും പിന്നിട്ട് ശിവഗിരിയിലെത്തി.ഉച്ചയൂണ് അവിടെ.മഹാസമാധിയിലേക്കുള്ള യാത്രയില് ശാരദാ മഠത്തിനു സമീപം വച്ച് സ്വാമി സച്ചിദാനന്ദ കുട്ടികള്ക്കൊപ്പമെത്തി.ഗുരുദര്ശനത്തിന്റെ അത്യപൂര്വലോകം അദ്ദേഹം തുറന്നിട്ടു.യാത്രയുടെ സാഫല്യമായിരുന്നു അത്.
വര്ക്കല കുന്നുകള് മലയാള മണ്ണിന്റെ അപൂര്വ്വ പൈതൃകമാണ്.ക്ലിഫില് നിന്നുള്ള കടല്ക്കാഴ്ച ഏറെ വിസ്മയം.പിന്നെ കടല് പശ്ചാത്തലമാക്കി ഒരു ഫോട്ടോ കൂട്ടം.
താഴെ കടല്ക്കരയിലെത്തിയപ്പോള് കടല് പ്രക്ഷുബ്ധം. തീരം പോലും കടല് കവര്ന്നു.കുട്ടികള് കാലു നീട്ടി കടലിന്റെ ചുംബനം പാദങ്ങളില് ഏറ്റുവാങ്ങി. എങ്കിലും കൂട്ടുകാര്ക്ക് കടലിലിറങ്ങാത്തതിന്റെ നിരാശ.
പെട്ടെന്ന് മഴ.പ്രകൃതി ഇരുളുന്നു. എല്ലാവരും സ്കൂള് ബസ്സിലേക്ക് കയറി. വഴികാട്ടിയായെത്തിയ വര്ക്കലക്കാരനായ ഞങ്ങളുടെ മുന് അദ്ധ്യാപകന് സജിന് സാറിന് എല്ലാവരുടെയും റ്റാറ്റ. തിരികെ സ്കൂളിലേക്ക്.യാത്രസംഘടിപ്പിച്ച കൃഷ്ണകാന്ത് സാറിനും ഷീജ ടീച്ചര്ക്കും ഏറെ നന്ദി,ഒരു ദിനം അവിസ്മരണീയമാക്കിയതിന്.കൂട്ടുചേര്ന്ന അദ്ധ്യാപകരായ നിഖില്,വിനോദ്,സന്തോഷ്,ബിന്ദു എന്നിവര്ക്കും നന്ദി.
ഒക്ടോബര് 13,മഹാനവമി.ഞായറാഴ്ച.നെടുവേലി സ്കൂളിലെ ചരിത്രക്ലബ്ബ് ഒരു ചരിത്ര- സംസ്ക്കാര പഠന യാത്ര നടത്തി..തെക്കന് കേരളത്തിലെ ഗുഹാക്ഷേത്രമായ മഠവൂര്പ്പാറയില് ആദ്യമെത്തി.പ്രകൃതി മനോഹരമായ ഈ പ്രദേശം പൗരാണിക സംസ്കൃതിയുടെ ഈറ്റില്ലം.പാറയ്ക്കുമുകളിലെ പാര്ക്കും മുളകൊണ്ട് തീര്ത്ത കോവണികയറിയെത്തുമ്പോഴുള്ള പാറപ്പരപ്പിലെ പുല്ക്കുടിലും വിസ്മയമായി..ഒറ്റ നോട്ടത്തില് പ്രകൃതിയെ മനസ്സിലേക്കാവാഹിക്കുന്ന മായക്കാഴ്ച.അവിടെ നിന്ന് ചെമ്പന്തി ശ്രീനാരായണ ഗുരുകുലത്തിലെത്തി.നവോത്ഥാന നായകനായ ഗുരുവിന്റെ മുന്നൂറു വര്ഷം പഴക്കമുള്ള ജന്മഗൃഹം പൗരാണിക പ്രഭാവത്തോടെ നിലകൊള്ളുന്നു.
തോന്നയ്ക്കല് കുമാരനാശാന് സ്മാരകത്തില് വീണപൂവിലെ ഏതാനും വരികള് ചൊല്ലി കാവ്യാര്ച്ചന നടത്തി. കവിയുടെ പേരിലുള്ള മ്യൂസിയം ചുറ്റിനടന്നു കണ്ടു.കവിതയില് പൂവിട്ട ചെടികള് അവിടെയും കണ്ടു.
അഞ്ചൂതെങ്ങിലെ ബ്രീട്ടീഷ് കോട്ടസ്വാതന്ത്ര്യ ചരിത്രത്തിന്റെ ഉജ്ജ്വല സ്മാരകമാണ്.ആറ്റിങ്ങല് കലാപത്തിന്റെ വീരസ്മരണകള് തളം കെട്ടിനില്ക്കുന്ന കോട്ടയുടെ അകത്തളം.തിരയും കാറ്റും മത്സരിക്കുന്ന കടല്ക്കരയിലെ ചരിത്രസ്മാരകത്തിന് ഏകാകിയുടെ നൊമ്പരമുണ്ട്.
കുമാരനാശാന് പിറന്ന കായിക്കരയും കടലും നെടുങ്ങണ്ടയിലെ ചെമ്പകക്കുന്നും പിന്നിട്ട് ശിവഗിരിയിലെത്തി.ഉച്ചയൂണ് അവിടെ.മഹാസമാധിയിലേക്കുള്ള യാത്രയില് ശാരദാ മഠത്തിനു സമീപം വച്ച് സ്വാമി സച്ചിദാനന്ദ കുട്ടികള്ക്കൊപ്പമെത്തി.ഗുരുദര്ശനത്തിന്റെ അത്യപൂര്വലോകം അദ്ദേഹം തുറന്നിട്ടു.യാത്രയുടെ സാഫല്യമായിരുന്നു അത്.
വര്ക്കല കുന്നുകള് മലയാള മണ്ണിന്റെ അപൂര്വ്വ പൈതൃകമാണ്.ക്ലിഫില് നിന്നുള്ള കടല്ക്കാഴ്ച ഏറെ വിസ്മയം.പിന്നെ കടല് പശ്ചാത്തലമാക്കി ഒരു ഫോട്ടോ കൂട്ടം.
താഴെ കടല്ക്കരയിലെത്തിയപ്പോള് കടല് പ്രക്ഷുബ്ധം. തീരം പോലും കടല് കവര്ന്നു.കുട്ടികള് കാലു നീട്ടി കടലിന്റെ ചുംബനം പാദങ്ങളില് ഏറ്റുവാങ്ങി. എങ്കിലും കൂട്ടുകാര്ക്ക് കടലിലിറങ്ങാത്തതിന്റെ നിരാശ.
പെട്ടെന്ന് മഴ.പ്രകൃതി ഇരുളുന്നു. എല്ലാവരും സ്കൂള് ബസ്സിലേക്ക് കയറി. വഴികാട്ടിയായെത്തിയ വര്ക്കലക്കാരനായ ഞങ്ങളുടെ മുന് അദ്ധ്യാപകന് സജിന് സാറിന് എല്ലാവരുടെയും റ്റാറ്റ. തിരികെ സ്കൂളിലേക്ക്.യാത്രസംഘടിപ്പിച്ച കൃഷ്ണകാന്ത് സാറിനും ഷീജ ടീച്ചര്ക്കും ഏറെ നന്ദി,ഒരു ദിനം അവിസ്മരണീയമാക്കിയതിന്.കൂട്ടുചേര്ന്ന അദ്ധ്യാപകരായ നിഖില്,വിനോദ്,സന്തോഷ്,ബിന്ദു എന്നിവര്ക്കും നന്ദി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ