ഡോ.വർഷ.എസ്.നായർ
നെടുവേലി സർക്കാർ വിദ്യാലയത്തിൽ മലയാളം മീഡിയത്തിൽ പഠിച്ച് 2010 -ൽ എല്ലാ വിഷയത്തിനും SSLC ക്ക് A+ നേടിയ വർഷ പഠനത്തിൽ മാത്രമല്ല കലോത്സവത്തിലും ശാസ്ത്രമേളകളിലും പ്രതിഭ തെളിയിച്ചു. ( നെടുവേലി സർക്കാർ ഹൈസ്കൂളിലെ ആദ്യ ഫുൾ A+ വാങ്ങിയ കുട്ടിയാണ് വർഷ ). മെഡിക്കൽ എൻട്രൻസ്സിൽ മെരിറ്റിൽ അഡ്മിഷൻ നേടി ചെന്നൈ മെഡിക്കൽ കോളേജിൽ നിന്നും MBBS ഉയർന്ന മാർക്കോട് കൂടി വിജയിച്ച ശേഷം ജനറൽ മെഡിസിൻ്റെ MDയ്ക്ക് ആലപ്പുഴ മെഡിക്കൽ കോളേജിൽ നിന്നു സംസ്ഥാനാടിസ്ഥാനത്തിൽ ഒന്നാം റാങ്കോട് കൂടി പാസായിരിക്കുന്നു. തികച്ചും ഗ്രാമീണാന്തരീക്ഷത്തിൽ പരിമിതമായ സൗകര്യങ്ങൾ പ്രയോജനപ്പെടുത്തി ഇത്ര ഉന്നതമായ വിജയം നേടിയെടുത്ത വർഷ നെടുവേലി എന്ന ഗ്രാമത്തിൻ്റെയും നെടുവേലി സർക്കാർ വിദ്യാലയത്തിന്റെയും അഭിമാനമാണ്. പഠനത്തിനിടയിലും നെടുവേലി സ്കൂളിലെ SPC ക്യാമ്പിൽ കുട്ടികൾക്ക് വിദഗ്ദ്ധ ക്ലാസ്സ് നയിക്കാൻ വർഷ സമയം കണ്ടെത്തിയിരുന്നു.നാടിൻ്റെ യാതനകളും വേദനകളും മനസ്സിലാക്കി വളർന്നു വന്നതിനാൽ ആരോഗ്യരംഗത്ത് ഒരു ജനകീയ മുഖമായി മാറാൻ ഡോ.വർഷയ്ക്ക് കഴിയുമെന്ന കാര്യത്തിൽ സംശയമില്ല. നെടുവേലി സ്കൂളിലെ മുൻ പി.റ്റി.എ പ്രസിഡന്റ് എം.കാർത്തികേയൻ നായരുടെ മകളാണ് വർഷ.എസ്.നായർ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ