ലഹരിയ്‌ക്കെതിരെ സൈക്കിള്‍ റാലി
നെടുവേലി:ഇഞ്ചിഞ്ചായി സ്വയം മരിക്കുന്ന യുവചേതനയെ ഉണര്‍ത്താനാണ്‌ ഇക്കൊല്ലം അന്താരാഷ്‌ട്ര മയക്കുമരുന്ന്‌ ലഹരിവിരുദ്ധ ദിനത്തില്‍ നെടുവേലിയിലെ കുട്ടികള്‍ ശ്രമിച്ചത്‌.മദ്യം,മയക്കുമരുന്ന്‌,പുകയില,പാന്‍പരാഗ്‌ തുടങ്ങിയവയുടെ ദൂഷ്യഫലങ്ങള്‍ സൂചിപ്പിക്കുന്ന കാര്‍ഡുകളുമായി നടത്തിയ സൈക്കിള്‍ റാലിയായിരുന്നു ലഹരിയ്‌ക്കെതിരെയുള്ള ഈ വര്‍ഷത്തെ പ്രധാനപരിപാടി.നെടുവേലിയില്‍ നിന്നു തുടങ്ങി നാലുമുക്ക്‌,കൊഞ്ചിറ,കന്യാകുളങ്ങര എന്നിവിടങ്ങളിലൂടെ സഞ്ചരിച്ച്‌ തിരികെ സ്‌കൂളിലെത്തിയ റാലി കുട്ടികളുടെ അര്‍പ്പണബോധം കൊണ്ട്‌ ശ്രദ്ധേയമായി.
കഴക്കൂട്ടം എക്‌സൈസ്‌ റേഞ്ച്‌ ഇന്‍സ്‌പെക്‌ടര്‍ അനികുമാറാണ്‌ റാലി ഉദ്‌ഘാടനം ചെയ്തത്.ഗ്രാമപഞ്ചായത്തംഗം ഗോപിപ്പിള്ള, പി.ടി.എ പ്രസിഡന്റ്‌ അനില്‍കുമാര്‍,വൈസ്‌പ്രസിഡന്റ്‌ നന്ദകുമാര്‍,ഹെഡ്‌മിസ്‌ട്രസ്സ്‌ എ.ജി പ്രഭാദേവി തുടങ്ങിയവര്‍ സംബന്ധിച്ചു. സ്‌കൂള്‍ ഹെല്‍ത്ത്‌ ക്ലബ്ബിന്റെയും പരിസ്ഥിതി ക്ലബ്ബിന്റെയും ആഭിമുഖ്യത്തിലാണ്‌ പരിപാടി സംഘടിപ്പിച്ചത്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ